El plenu de Xixón guarda un minutu de silenciu polos trabayadores muertos n'El Musel

Xixón llamenta una "traxedia" que fundió a la ciudá "nun fondu sentimientu de pena"

El plenu del Ayuntamientu de Xixón guardó al entamu de la so sesión d’esti miércoles un minutu de silenciu en memoria de los dos trabayadores muertos n’accidente llaboral nel cai d’El Musel el xueves pasáu.

Enantes del minutu de silenciu lleóse la resolución d’Alcaldía pola que se declararon dos díes de llutu oficial el mesmu día del siniestru.

Al traviés d’esa declaración, l’Ayuntamientu de Xixón llamentó una "traxedia" que fundió a la ciudá "nun fondu sentimientu de pena".

Al empar, díxose que ye "voluntá" de la corporación "acompañar a toles persones afectaes pola traxedia".