El proyectu Cares busca aprovechar los recursos del monte p'afitar población

Les primeres conclusiones van conocese a finales del añu que vien

El proyectu, coordináu pel Centru Tecnolóxicu Forestal y de la Madera, busca un mayor aprovechamientu de los montes por aciu de nueves formes de negociu. Ente les acciones a desenvolver ta la estracción de resina d'alta pureza señala Juan Pedro Mayada, director del Centru Tecnolóxicu Forestal y de la Madera.

Otra vía ye la recuperación del monte de castañal pal usu de variedaes locales del frutu. Ente los beneficios de Cares: la desestacionalización del monte, medría de rendimientos y fixación de población apunta María Dolores Hidalgo, de l'Asociación de Propietarios ‘Juntas de Montes de Asturias'.

En marcha dende principios d'añu'l proyectu cunta con delles esperiencies pilotu en Galicia, Castiella y Lleón y dientro d'Asturies, n'Ibias, con plantíos de pinu pa la resina y n'Allande, pa la castañal.

Financiáu con más d'un millón y mediu d'euros pola Fundación Biodiversidad les resultancies d'esta fase esperimental van conocese a finales de 2025.