La Movilidá Sostenible, protagonista n'Uviéu cola feria Moveo

Cerca de 200 profesionales alderiquen nel Congresu Profesional sobro oportunidaes y modelos de negociu o'l futuru de la movilidá

El Gobiernu rexonal tramitó yá más de 6 millones d'euros d'ayudes pa la compra de vehículos eléctricos y la instalación de puntos de recarga dientro del Plan de subvenciones Moves 3. Llinia que ta abierta hasta'l mes d'avientu, con un volume de solicitúes que retrasó la so tramitación señala Nieves Roqueñí, conseyera de Transición Ecolóxica, Industria y Desenvolvimientu Económicu.

Esta tercer convocatoria cunta con una partida global de más de 28 millones. Moves I y Moves II contribuyeron a la compra de 1.200 coches y 700 puntos de recarga con un presupuestu d'unos 3 millones d'euros. N'España, el 12% de les ventes son de vehículos non contaminantes, el 5%, eléctricos. Unu de los oxetivos de la feria Moveo qu'empezó n'Uviéu ye faer pedagoxía de la movilidá sostenible apunta Álvaro Sauras, vicepresidente de l'Asociación d'Usuarios de Vehículos Eléctricos.

200 espertos aldericaron nel Congresu Profesional sobro oportunidaes y modelos de negociu o'l futuru de la movilidá. Moveo espón hasta'l sábadu 45 vehículos de cero emisiones y 35 marques cimeres nel sector.