Protesta en Candamu escontra la instalación d'un parque eólicu

Los manifestantes alerten del gran impactu mediuambiental y social del parque

A pesar de la lluvia, mediu centenar de persones concentráronse frente al Ayuntamientu de Candamu pa protestar escontra’l proyectu eólicu pa Bufarán y La Sierra Sollera, que piensa instalar once molinos en dos cordales.

Aseguren que nun tán a la escontra de lo anovable, pero sí d’estos parques pol so gran impactu mediuambiental y social.

Sofitando la manifestación tamién taba’l teniente d’alcalde, conceyal d’Izquierda Xunida y llave del Gobiernu, que dio anuncia de que nel plenu viniente del 25 de setiembre presentaráse una moción pa que l’Ayuntamientu puea posicionase a la escontra del proyectu. De nun ser asina, podría afectar al pactu de Gobiernu.

Esti parque eólicu, con un presupuestu superior a los 72 millones d’euros, tamién afectaría a Les Regueres, Grau y Illas.