L'acusáu de la muerte d'un octoxenariu en Xixón acepta dos años y ocho meses de prisión

La Fiscalía reconoz l'atenuante del diagnósticu d'esquizofrenia paranoide del acusáu

L'acusáu d'un delitu d'homicidiu por imprudencia grave pola muerte d'un octoxenariu tres emburrialu nuna cai de Xixón en 2023 reconoció esti vienres los fechos y aceptó una pena de dos años y ocho meses de prisión y el pagu d'una indemnización de 80.000 euros a la familia de la víctima.

L'alcuerdu ente les partes algamáu nel Xulgáu Penal númberu 2 de Xixón, onde güei taba señaláu'l xuiciu, dexó que la Fiscalía modificara'l so pidimientu inicial de cuatro años de cárcel al reconocer l'atenuante del diagnósticu d'esquizofrenia paranoide del acusáu, de 51 años, que ta en prisión provisional dende'l 29 de setiembre de 2023.

Los fechos socedieron poco enantes del mediudía del 27 de setiembre del pasáu añu na cai Velázquez de Xixón, cuando la víctima, de 84 años, diba pasiando coyíu del brazu de la so muyer y falando per teléfonu pela cai de Velázquez, na zona sur de Xixón.