Les families con emplegaes del llar tendrán de cumplir cola prevención de riesgos

Una nueva regulación qu'espierta duldes ente los qu'empleguen a estos trabayadores

Les families con emplegaos del llar tendrán de cumplir cola prevención de riesgos y colos protocolos antiacosu, que yá s'aplicaben nel restu de sectores. Asina lo afita la nueva normativa anunciada pol Gobiernu va unos díes.

Evaluar los riesgos del trabayu na casa, apurrir formación, equipos de protección y ufiertar reconocencies médiques periódiques al emplegáu, son dalgunes de les responsabilidaes que van tener les persones que contrataren a un emplegáu del llar.

Una nueva regulación qu'espertó delles duldes ente quién emplegue a estos trabayadores, esplica Marcos Óscar Martínez Álvarez, presidente del Colexu Oficial de Graduaos Sociales d'Asturies.

El Colexu de Graduaos Sociales d'Asturies considera positivu'l nuevu marcu normativu. Cree que va sirvir p'amenorgar accidentes, como les posibles cayíes, quemadures, golpes o intoxicaciones.

Colos cambeos introducíos nel sector del trabayu domésticu, cada vegada son más los que recurren a espertos p'asesorase.

L'Institutu de Prevención Asturianu va poner a disposición de los empleadores del llar una guía pa ellaborar los correspondientes planes de prevención y antiacosu que nun van ser obligatorios, polos menos, hasta xineru de 2026.