Entamen les obres pa la construcción de la nueva esplanada na ría d'Avilés

Los trabayos busquen caltener la medría de tráficos, sobre manera nel sector eólicu

El martes entamen les obres pa la construcción de la nueva esplanada de 32.000 metros cuadraos p'actividaes loxístiques na marxe derecha de la ría d'Avilés.

La esplanada consiguióse cola unión del cai de Navarro y el d'Arcelor al rellenar l'espaciu ganáu al mar. Foi necesario treslladar de la marxe derecha a la izquierda instalaciones como la Escuela de Vela o'l fosu de varada pa embarcaciones.

Nos últimos años hebo una importante medría de tráficu, sobre manera rellacionáu col sector eólicu, y polo tanto la demanda d'espacios, a la qu'esta actuación quier dar respuesta.

El plazu d'execución de los trabayos ye de siete meses y el presupuestu d'axudicación de 8,6 millones d'euros. Un 20% ta financiáu por fondos europeos.