Los asturianos declaren tener cuasi 14 millones d'euros en bienes de lluxu

Los espertos creen que munches d'estes propiedaes nun apaecen porque tán a nome d'empreses

Los asturianos declaren tener cuasi 14 millones d’euros en bienes de lluxu. Cerca de 12.500.000 correspuenden a coches, embarcaciones, ayalgues y pieles, y más de 1.200.000 a arte y antigüedaes.

La cifra supera en 2,2 millones lo recaldao por esti conceptu va un añu. Unos bienes suntuarios que declararon namás 946 de los 4.119 asturianos que presentaron l’impuestu de patrimoniu.

Los espertos creen que munchos d’estos bienes nun apaecen porque tán a nome d’empreses.

Pa José F. Menéndez, técnicu del Ministeriu de Facienda, xubir los tipos pa qu’apaezan más bienes de lluxu nun supón gravar más a los que más tienen.

N’España, de les 230.000 persones que presentaron l’impuestu de patrimoniu namás 30.000 declararon tener bienes de lluxu. El valor supera los 2.100 millones d’euros, un 122% más que va 10 años.

Namás 947 millones del global declaráronse na Comunidá de Madrid, a muncha distancia de Cataluña y Galicia.

Ente les que menos recaldaron por bienes suntuarios Asturies, Castiella-La Mancha, Cantabria, La Rioja y Estremadura.