Nun va haber siderurxa ensin Arcelor, según los sindicatos

Creen urxente que se lleven alantre les inversiones pendientes

Faer cumplir coles inversiones prometíes, y trabayar n'Europa pa garantizar unos precios de la electricidá y la enerxía llimpio más competitivos. Ye lo que piden los sindicatos tres el pasu del ministru de Industria Jordi Hereu per Asturies, quien aseguró que'l sector siderúrxicu va caltener n'Asturies el procesu integral de producción.

Les palabres del ministru d'Industria, afirmando que la siderurxa asturiana pue liderala cualesquier, nun dexen indiferentes a los sindicatos. Según Comisiones Obreres, nun hai nengún actor interesáu na acería nes condiciones nes que ta. Creen urxente que se faigan les inversiones pendientes, si se quier caltenese la producción y los puestos de trabayu.

El preciu de la electricidá y l'hidróxenu, dicen, son delles de les torgues pa qu'Arcelor invierta n'Asturies.

Nel mesmu sen, manifiéstase Uso, quien considera que'l problema del altu preciu de la descarbonización y de la enerxía anovable tien que ser resueltu n'Europa.

Pal secretariu comarcal d'UXT Avilés, el ministru coles sos declaraciones solo quier primir a Arcelor pa que faiga les inversiones prometíes. Esto va dexar que les plantes asturianes de la multinacional seyan más competitives, siendo una empresa integral, yá que va poder faer el productu al completu.