Xixón pierde 540 places d'aparcaderu en dos selmanes

Zarra temporalmente'l parking de l'avenida de Portugal

A les 260 places perdíes en Péritos, amiéstense agora les 275 del parking de l’avenida de Portugal, asitiáu na entrada a Xixón pela 'Y'. Nacíu en paralelu al yá canceláu intercamudador de L’Humedal, quier construiyise equí un nuevu aparcaderu disuasoriu de dos plantes. Medrará la so capacidá hasta algamar les 486.

Quince meses ye’l plazu afitáu pa la construcción del nuevu equipamientu. Un trestornu pa los vecinos d’El Polígono. Lleven tiempu denunciando los problemes d’aparcaderu y reclamando que’l nuevu parking seya de baldre pa ellos. La decisión queda en manes del Ayuntamientu.

Les obres del nuevu parking cunten con un presupuestu de 4,5 millones d’euros con cargu a fondos europeos.