La Escuela Cimera d'Arte del Principáu d'Asturies empecipia'l cursu con 190 alumnos

El cursu empieza dempués de que s'aprobara la Llei d'Enseñances Artístiques, que va igualar estos estudios a los universitarios

Güei tamién empezó'l cursu na Escuela Cimera d'Arte del Principáu d'Asturies, allugada n'Avilés. Incorpora a les aules 190 alumnos, 50 de nuevu ingresu, calteniendo les cifres de matriculación similares a les de cursos anteriores.

Ta previsto qu'esti últimu trimestre del añu empiecen les obres de la segunda fase de la Escuela d'Arte nel PEPA. Ellí van treslladase los estudios de Diseñu Gráficu, qu'entá s'imparten en Camposagráu. Esti cursu empieza dempués de que s'aprobara la Llei d'Enseñances Artístiques, que va igualar estos estudios a los universitarios.