La casa de Verines foi construida por un indianu en 1920

La Universidá de Salamanca entama nel edificiu cursos de branu y un alcuentru d'escritores

La casa de Verines ye un edificiu centenariu de cuatro plantes cola estructura de les típiques cases indianes del oriente d’Asturies. La de Verines destaca poles galeríes aguantaes poles columnes. Foi encargada por Ricardo Ortiz, un emigrante que fizo fortuna con actividaes agraries en Méxicu y Texas, esplica Luis García Jambrina, profesor de la Universidá de Salamanca.

L’indianu vendió la casa a un grupu de nobles irlandeses que cursaben estudios eclesiásticos en Salamanca. Usáronla hasta 1956, menos na Guerra Civil, polo qu’a la de Verines tamién se-y conoz como la casa de los Irlandeses.

Precisamente, la Universidá de Salamanca ye l’actual propietaria de la casa de Verines. Restauróla en 1985 pa da-y un usu académicu y cultural, porque danse cursos internacionales d’inglés y ye un llugar d’alcuentru pa escritores y críticos de les lletres españoles.

Nos últimos 40 años, más de 600 escritores de les lletres españoles pasaron per esta casa de tradición indiana.