Esbarrumbaes les últimes estructures de la central de Soutu

La voladura pon fin a 59 años d'una instalación simbólica

A les 11:00 fueron esbarrumbaes les últimes estructures de la central térmica de Soutu. Una voladura que pon fin a 59 años d’existencia d’una instalación que yera símbolu de la zona.

Una tonelada de dinamita pa esbarrumbar la caldera de 90 metros y 9.000 tonelaes de pesu, una chimenea de 200 metros y les tolves de carbón.

Namás fizo falta un minutu ente l’españíu y l’esbarrumbe total pa qu’apaeza un nuevu escenariu nel entornu de la térmica, símbolu de la zona.

Dempués del esbarrumbe, una nube de povisa, la confirmación de que too salió correctamente y les sensaciones de los testigos énte l’estreldu.

Nel primer trimestre de 2025 quier facese l’esmantelamientu total de la zona que Naturgy cedió al Ayuntamientu de Tinéu pa promover la creación d’un polígonu empresarial.