La concertación va movilizar 4.689 millones en cuatro años, el mayor presupuestu de la hestoria

El documentu, qu'afita cerca de 600 midíes, va tar vixente hasta 2027

El nuevu alcuerdu de concertación social selláu esti xueves ente'l Gobiernu asturianu, los sindicatos UXT y CCOO y la patronal va movilizar 4.689 millones d'euros nel periodu 2024-2027, el mayor presupuestu de la hestoria, un pactu que ye un "escelente exemplu de política útil" y que va ser la fueya de ruta" a siguir esta llexislatura.

Asina lo aseguró'l presidente del Principáu, Adrián Barbón, nel actu de firma del novenu alcuerdu que se robla dende 1988 y que recueye'l compromisu d'invertir el 3 por cientu de les cuentes autonómiques añales n'infraestructures básiques.

El documentu, qu'afita cerca de 600 midíes, va poner en marcha un fondu d'afitamientu empresarial, dotáu con 10 millones d'euros, y plantega dos grandes pactos pola industria y los cuidaos.