La plantiya de Zener Plus decide siguir cola fuelga

Los trabayadores convoquen paros pa esixir que se cumpla'l conveniu colectivu

La plantiya de la empresa Zener Plus en Xixón decidió esti xueves n'asamblea siguir col calendariu previstu de paros convocaos pola falta d'aplicación del conveniu respecto al plus de penosidá, toxicidá y peligrosidá y la falta de personal, informaron a EFE fuentes del comité d'empresa.

El comité d'esta empresa, que cunta con setenta emplegaos y ta dedicada a les telecomunicaciones, convocara delles xornaes de fuelga en setiembre y ochobre, anque pa "abrir un periodu de negociación" cola dirección decidió suspender los paros de los díes, 16, 17, 18, 19 y 20 d'esti mes.

L'asamblea de güei celebróse tres dos xuntes nel Serviciu Asturianu de Solución Estraxudicial de Conflictos (Sasec) nes que'l comité afitó que la compañía "sigue con unos planteamientos bien alloñaos de lo qu'esixe la plantiya".