Protesta escontra'l racismu y la xenofobia en Sotrondio

Figaredo: Hai dineru p'alimentar l'efectu llamada de migrantes y non pa los españoles

Al gritu de "nengún ser humanu ye illegal" 200 vecinos, miembros de colectivos y representantes políticos de dellos signos amosaron el so refugu al racismu y a la xenofobia. Poniendo en valir la igualdá y la convivencia coles persones acoyíes temporalmente nel Colexu San Xosé señalen José Ramón Martín Ardines, alcalde de Samartín del Rei Aurelio; Manuel Turrado, presidente de l'Asociación de Vecinos de Samartín; Javier Arjona, activista; y Delia Campomanes, diputada de Convocatoria por Asturies.

Una concentración que surdía como respuesta a la convocatoria de Vox nel mesmu llugar. Al coincidir, los manifestantes amosaron el so malestar y la Policía Nacional evitó que'l diputáu nacional José María Figaredo s'averarase. La formación refuga'l tresformamientu del colexu como centru de refuxaos internacional apunta José María Figaredo, diputáu nacional y presidente de Vox.

Fuentes del Conceyu de Samartín del Rei Aurelio aseguren que, dende ochobre de 2023, pasaron más de 300 persones pel Colexu San Xosé. A fecha de setiembre, hai 82.