Empieza la vendimia de la DOP vinu de Cangas

Esta temporada esperen recoyer 200 mil quilos d'uva

Llegó'l día esperáu polos viticultores de la Denominación d'Orixe Protexida de Cangas y dende primer hora de la mañana empezaron a recoyer les uves de los distintos viñeos que pueblen los conceyos de Cangas del Narcea y Ibias, señala Luciano Gómez, de Bodegas La Verdea.

Un procesu que va llevar sobro un mes y nel que los bodegueros esperen sacar un total de 200 mil quilos tres un bon floriamientu y una bona calidá de la uva pero siempres pendientes del tiempu destaca María Crespo, de Bodegas La Verdea.

Tres la recoyida empieza un tramu de trabayu de bodega que va llevar de 3 a 4 meses nel qu'a les variedaes blanques se-y quita la magaya, se prensa y pasen a fermentar, mientres que les variedaes tintes llelden cola piel que protexe la uva.
Una vendimia que ye'l frutu de trabayu de tou un añu y nel que los viticultores tienen puestes munches esperances por tol esfuerzu fechu tol añu.

Un trabayu mui sacrificáu pa dar un productu de calidá característicu y emblemáticu del suroccidente asturianu.