Margarita Robles recibe la Medaya d'Oru d'Uviéu

Robles dedica la Medaya d'Oru d'Uviéu a los miembros de les Fuerces Armaes

La ministra de Defensa, Margarita Robles, dixo sentise "fondamente arguyosa y bien agradecida" al recibir esti vienres la Medaya d'Oru d'Uviéu pol so impulsu al conveniu de La Vega, una distinción que dedicó a los homes y muyeres que componen les Fuerces Armaes.

La máxima condecoración de la ciudá premia la implicación de Robles nes negociaciones que dende va años caltuvieron el so departamentu, el Gobiernu del Principáu y el Conceyu y que güei remataron cola firma del conveniu que va dotar d'usos los terrenos de l'antigua fábrica d'armes.

La distinción municipal tamién reconoz el compromisu de la ministra de Defensa cola carga de trabayu pa la Fábrica d'Armes de Trubia.