Mernes, un pueblu sobre dos ruedes

El mediu centenar de vecinos presume d'unidá y nun dexen d'anovar p'ameyorar el so pueblu

Bicicletes, ye la primer imaxe qu'atopamos cuando llegamos a Mernes. Esti pequeñu pueblu franquín, de malapenes mediu centenar de vecinos, ye famosa poles sos bicicletes. Pel branu de 2020, en plenu procesu de desescalada de la pandemia, surde la idea d'asitiar estos coloríos vehículos en distintos puntos del pueblu. 30 nun principiu apunta Julio César García, vecín de Mernes.

Güei hai un centenar d'elles. Inclusive se creó una ruta pa conoceles toes y, de camín, afayar lo más guapo del pueblu.

Y púnxose-yos un códigu qr nel que tamién puen conocese restauranes, hoteles y los distintos allugamientos que nos ufierta Mernes. Un pueblu activu. Llenu de vida con muncha collaboración vecinal y onde hai espaciu pa toos. Inclusive pa los naciellos. Pa ellos, y pa sos padres, atopamos l'árbol de los chupos.

Un pueblu perteneciente a la parroquia de Valdepares arrodiáu de sitios perguapos y bien cercanos, como la sablera de Porcía. Los sos habitantes presumen de ser franquinos y d'acoyer a toos por igual. Un pueblu onde a los vecinos nunca se-yos acaben les idees.