Basura nel cai de Llastres y vertederos illegales na zona rural

L'Asociación La Llastra pide más compromisu y actuaciones por parte de les alministraciones

La mítica estampa del cai de Llastres vese cambiada a pie de cai pola basura. Lates, plásticos o paves de pitos son solo una pequeña amuesa de lo que pue atopase. L'Asociación La Llastra pide que s'ameyore la llimpieza, pero tamién faen una llamada al civismu y a qu'actúen les alministraciones.

Nacho Pardo y Josechu Agüera formen parte d'esti colectivu, enfocáu en concenciar sobro la cultura asturiana y el medioambiente. La Llastra fai dacuando sestaferies nes que quiten grandes cantidaes de basura d'estos espacios, nes que tampoco falten los alumnos del colexu.

La montonera apocayá de vertederos illegales ye otra de les problemátiques con tres n'activo dende hai poco na parroquia de Llastres-Lluces.

Yá trabayen amás nuna recoyida de firmes p'abordar distintes demandes históriques de la zona y acabar col abandonu que sufren, según dicen.