El 70% de los ríos asturianos tien una bona calidá del agua

El Ríu Seya ye ún de los más castigaos pol microplásticu

De les 268 muestres tomaes en los ríos estudiaos, el 70% presenten una calidá bona o aceptable. Siendo la contaminación orgánica d’un 12% y l’agrícola del 27% apunta Eva García, coordinadora del proyectu 'Cuidemos del agua'.

En concreto, analizóse l’agua en 18 conceyos como Mieres, Castrillón o Ribeseya y participaron un millar de voluntarios. Nel procesu retiráronse 4 mil oxetos de basura, la mayor parte: productos hixénico-domésticos. Mientres que’l 70% de microplásticu correspuende a la degradación de ropa o la ruptura de plásticu mayor. Zones como El Ríu Seya presenten la mayor concentración.

Esta información afitaránla nuna publicación científica col envís de concienciar, involucrar y denunciar males práctiques pa caltener nel meyor estáu los ríos. N’ochobre entamará una segunda fase p’ampliar puntos de muestréu y cubrir toa Asturies.