El Principáu coincide colos vecinos de Xixón sobre un vial de Xove soterráu

Guillermo Peláez resalta que'l proyectu d'un vial soterráu ye "la demanda que sal de l'Alianza poles infraestructures"

El conseyeru de Facienda y Fondos Públicos del Principáu, Guillermo Peláez, destacó esti llunes que’l proyectu pal vial de Xove soterráu que demanden los vecinos de Xixón ye "exactamente’l mesmu" que quier el Gobiernu autonómicu.

Peláez fizo estes declaraciones na inauguración del Congresu Xeneral de Mediadores de Seguros nel palaciu de congresos del recintu ferial Luis Adaro.

El conseyeru de Facienda y Fondos Públicos dixo que l’Executivu autonómicu ta "trabayando" pa que’l Ministeriu de Tresporte faga una propuesta que "case cola demanda ciudadana qu’hai en Xixón" y que ye la que "sofita" el Principáu.

Guillermo Peláez resaltó que’l proyectu d’un vial soterráu ye "la demanda que sal de l’Alianza poles infraestructures", que forma parte del "diálogu que practica’l Gobiernu del Principáu" con tolos axentes sociales y, nesti casu, "con tolos vecinos y vecines implicaos".