Santori Studio, el proyectu de Juan Santori, que compaxina les sos dos aficiones: la hípica y el sector audiovisual

La trayectoria de Santori arrancó nel CHAS, el club hípicu astur, y ya trabaya per toa España

Juan Santori acaricia a “Olivia”, la yegua del so primu, na mesma finca de Prestín na qu’esti mozu de 23 años entamó na hípica de neñu. Colos años esa afición polos caballos centra l’actividá del so proyectu audiovisual y empresarial: Santori Studio.

D’aquel primer encargu del CHAS de Xixón, a collaborar cola Yeguada Maeza y llueu dar el saltu fuera d’Asturies, hasta l’Andalucía Sunshine Tour, en Vejer de la Frontera.

Al respective del perfil de la so vecería suelen ser los propios comités organizadores de les competiciones o clubes qu’entamen concursos. A la hora de contratar personal, Juan recurre a vegaes al Centru de Formación Profesional n’Imaxe y Soníu de Llangréu, el Cislan.

Collaboró en retresmisiones de pruebes de prestixu como la Global Champions Tour. ¿El so suañu? Siguir medrando nel mundu audiovisual.

Compaxinar la so empresa colos estudios universitarios foi otru retu y a Juan namás-y falta’l trabayu de fin de grau pa convertise n’inxenieru eléctricu.