Coxersa buscará una parcela pa instalar el puntu llimpiu de la fastera d'Avilés

Baráxase un añu pa la so puesta en serviciu y una inversión de más d'un millón d'euros

Avilés, Corvera, Illas y Castrillón cuntarán con puntu llimpiu comarcal qu’atienda les necesidaes de reciclaxe de cuasi 120.000 vecinos. Asina lo solicitaron a Coxersa los cuatro ayuntamientos a comuña señalen Mariví Monteserín, alcaldesa d’Avilés; Eloy Alonso, acalde de Castrillón; Iván Fernández, alcalde de Corvera; y Alberto Tirador, alcalde d’Illas.

L’oxetivu ye que Coxersa construya’l puntu llimpiu más grande d’Asturies pa lo que la entidá va entamar la búsqueda de parcela al nun tener los ayuntamientos suelu públicu. Tien que tener más de cinco mil metros cuadraos y tener llende nos cuatro conceyos destaca Paz Orviz, xerente de Coxersa.

Baráxase un añu pa la so puesta en serviciu y una inversión de más d’un millón d’euros, amás del costu de la parcela qu’asumirá Coxersa. Hasta agora namás Avilés cuntaba con puntu llimpiu, el de Los Canapés, que dexará de funcionar cuando s’habilite’l nuevu espaciu comarcal.