La Casa de la Palmera, ún de los edificios más representativos de l'arquitectura xixonesa de la dómina

L'edificiu, d'estilu modernista d'entamos del sieglu XX, anguaño agospia les oficines de Divertia

La Casa de la Palmera, llamada asina pol exemplar qu’hai nel patiu del edificiu y que se caltuvo nel tiempu, ye d’estilu modernista d’entamos del sieglu XX. Caracterízase polos elementos decorativos elegantes, los balcones de fierro forxao y la fachada ornamentada. La vivienda sufrió dellos cambeos destaca Jesús Sotelo, arquitectu.

Ye una construcción tradicional de la dómina, acordies al gustu del momentu y al deséu de la burguesía por viviendes con xardín.

Nel añu 2004 fízose una rehabilitación del edificiu p’adaptalu a un usu alministrativu y cultural. Anguaño, agospia les oficines de Divertia, la empresa municipal que dende 2014 axunta les árees de Fiestes, Teatru Xovellanos y el Festival de Cine d’Arte en Xixón.