Más d'un centenar d'afectaos pola escombrera d'El Reguerón esixen el so zarru al Principáu

Esixen al Principáu que nun dea nenguna prórroga y zarre'l vertederu

Más d'un centenar de persones, ente vecinos, representantes políticos y colectivos sociales, concentráronse esta tarde escontra la escombrera d'El Reguerón, en Lada.

Denuncien el pasu siguíu de los camiones que traen los residuos dende la desapaecida Central Térmica de La Pereda dende xunetu.

Los seis pueblos afectaos denuncien emisiones de polvu y esixen al Principáu que nun dea nenguna prórroga y zarre'l vertederu.

Tamién piden al Conceyu de Llangréu, que medre la vixilancia del cumplimientu de les condiciones de tresporte de la ceniza.