Illas avanza pa convertise nel centru de recuperación del maíz asturianu

El proyectu busca promover les conocencies culturales, agrícoles, sociales y artístiques de la cebera

Illas avanza pa convertise nel centru de recuperación del maíz asturianu. Tres la creación de l'asociación Tarucu, empiecen los contactos pal caltenimientu d'esta cebera, y la so hestoria. L'asociación confía en tener material que pue enseñase’l próximu añu.

Tán a nada d'empezar col proyectu, coles grabaciones de testimonios y confíen l'añu que vien cuntar con material pa enseñar.

L'oxetivu ye promover y caltener la grana autóctono d'esta cebera, que se ta perdiendo. Por eso, nació l'Asociación pa la Recuperación de la Memoria del Maíz Asturianu, Tarucu, que cunta con una ventena de miembros fundadores repartíos per toa España, entre ellos el cocineru de dolce estrelles Michelín, Martín Berasategui.

Tamién quier fomentase l'usu y el so consumu, con proyectos innovadores, sobre manera en repostería. Con esta intención, y teniendo como ingrediente principal el maíz, nació'l postre flotante o'l turrón siderúrxicu.

El proyectu busca tamién promover les conocencies culturales, agrícoles, sociales y artístiques d'esta cebera.