Bones perspectives pa la campaña del percebe pol estáu de los pedreros

Los últimos meses hubo menos furtivismu y el percebe tien mui bona calidá  

La lluvia sofitó la medría del percebe, una situación que yá afitaron los mariscadores de cara al martes, cuando arranca n’Asturies la costera d’esti crustaceu.

Per delantre tendrán siete meses de trabayu percorriendo unes piedres a les que’l branu sentó-y mui bien, señala Adolfo García, presidente de la Federación de Cofradíes de Pescadores.

Les normes de la costera son iguales a otros años. El cupu máximu de captures sedrá de 6 kilos per día, marea y perceberu, menos la campaña navidiega, cuando se dexará garrar ocho kilos. Daránse como máximu 275 llicencies nos diferentes planes d’esplotación de la costa asturiana.

Esti añu afitóse una mengua nos casos de furtivismu, que ye ún de los grandes temores de los perceberos.