Balance agridulce del primer añu de la Llei de Bienestar Animal

Albergues y asociaciones animalistes destaquen que falta formación y concienciación

Munchos propietarios, señalen, siguen usando collar eléctricu como arnés pal so perru, a pesar de que ta prohibíu pola llei; ensin saber qué facer cuando alcuentren un animal abandonáu o perdíu; o criando cachorros de manera irregular asegura Pedro Almansa, presidente de l’Asociación DEBA.

Nel albergue municipal de Serín tienen les mesmes cifres que va un añu: cada mes, unos 150 perros y 70 gatos. Reclamen que se concrete’l cursu de tenencia responsable que señala la llei; y tamién más responsabilidá na adopción señala Alicia Quesada, coordinadora del Albergue Municipal de Serín (Xixón).

Señalen que les colonies de gatos en zona urbana siguen siendo un problema grave. Creen que llegará yá la obligatoriedá del seguru de responsabilidá civil, ún de los puntos que más valoren d’una llei, dicen, qu’entá tien a esgaya qu’avanzar.

Cuestión, dicen, de responsabilidá.