Más de 600 persones opositen n'Asturies pa ser guardia civil

Jucil asegura que se necesiten 17.000 guardies civiles pa cubrir toles vacantes

Un total de 646 aspirantes opositen esti fin de selmana n’Asturies a una de les 2.721 places pa la escala de cabos y axentes de la Guardia Civil.

L'Institutu Armáu informó esti sábadu nun comunicáu que nel conxuntu del estáu opten a estes places 26.332 persones, de les que 8.319 son muyeres, lo que representa'l 31,6 por cientu de los opositores, y 5.279 tienen titulación universitaria.

Nel Principáu presentáronse a los esámenes que se celebren en Xixón 421 homes y 225 muyeres.

Les oposiciones tienen cuatro pruebes: conocencies, pruebes físiques, entrevista personal y reconocimientu médicu.