Les plagues ponen n'alerta a un bon númberu de productores de faba

La campaña va ser peor que la del añu pasáu  

La collecha de faba del pasáu añu nun foi bona n'Asturies por cuenta de la seca, pero la d'anguaño inda pue ser peor, anque por causes distintes. Asina atopamos dalgunes de les vaines n’Arbón, en Villayón. En dellos casos tán afuracaes pol guxanu..., n'otros, estropiaes por un fungu qu'anguaño llegó bien fuerte destaca José Manuel García, productor d’Arbón.

Desconocen les causes del aumentu de les plagues, pero los productores piden ayuda a les alministraciones pa poder algamar tratamientos qu'ayuden a caltener una collecha qu'anguaño, agoren, vien mala señala Ángel García, productor d’Arbón.

Delles producciones, les más tempranes, yá fueron recoyíes, pero'l gruesu de la faba va recoyese nunos pocos díes.