Un 30% de los consumidores adelanten les sos compres de Navidá, según el sector de les pescaderíes

El pixín, el besugu y la dorada son los pexes más vendíos pa conxelar de cara a les navidaes  

Les pescaderíes prepárense pal entamu de les compres adelantaes de pescáu pa conxelar y guardar pa les Navidaes. Calcúlase qu'esti xestu supón un aforru del 50% na cesta de la compra destaquen Juan Manuel Ferrero, miembru de la Federación Nacional de empresarios, pescados y productos congelados (Asempa) y Iván Guillén, de Casapesca.

El sector afirma que ye un enclín que favorez el bolsu de les families y dexa comer pescáu en prácticamente tolos llares nes fiestes navidiegues señala Ángel Muñoz, director técnicu de Lonja Avilés.

Calcúlase que'l pixín, que ta a 14,90 euros/kg, va xubir a más de 30 euros y el besugu que ta a 36 va llegar a los 70 euros/kg.

Les pescaderíes afirmen qu'estos pexes xunto con doraes, llubines y rodaballos son los más vendíos y qu'almiten bien la conxelación.