La oficina de Turismu de Cangues d'Onís afita l'aumentu de visites de turistes del sur

L'equipamientu cerró xunetu y agostu con menos consultes presenciales, pero más telefóniques

La oficina de Turismu de Cangues d'Onís afita l'aumentu de visites de turistes de comunidaes del sur. Atendieron, por casu, a un 5% más d'andaluces que l'añu pasáu. Amás, cerraron xunetu y agostu con menos consultes presenciales polo xeneral, pero más telefóniques.

Con un descensu del 9% en xunetu y una crecedera de cuasi'l 1% nes sos consultes presenciales, cerró la oficina de Cangues d'Onís les sos estadístiques de los dos meses centrales del branu, nos que s'atendió de forma presencial a 33.739 persones, un 3,33% menos qu'en 2023.

Más allá de consultes atendíes nel mostrador, de les que 19.010 fueron n'agostu, crecieron les feches per teléfonu o de forma online

Los franceses protagonizaron 1.098 de les 4.738 consultes feches polos turistes estranxeros, siguíos de los portugueses que ficieron 590 consultes.