El presidente de la Federación Española de Tiru Olímpicu nun reconoz los cargos imputaos

L'acusáu argumenta que los 46.000 euros fueron destinaos a pagos pa la Federación

El presidente de la Federación Española de Tiru Olímpicu nun reconoció los cargos d'apropiación indebida y alministración deslleal de los que se-y acusa, na so etapa de presidente de la Federación Asturiana.

Nel xuiciu, que se desendolcó esta mañana na Audiencia Provincial, l'acusáu argumentó que los cuasi 46.000 euros que supuestamente usó indebidamente, fueron destinaos a pagos pa la Federación Española, qu’al empar taba en concursu d'acreedores.

Na vista, l'acusación esplicó que nuna auditoria demostróse que nun había una contabilidá na que basar l'usu del dineru.