La Ebau de 2025 n'Asturies sedrá nun 90% competencial

Los modelos d'exámenes tarán en manes de los profesores esti mes

L’alcuerdu algamáu polos Vicerrectores d’estudiantes el vienres pasáu en Bilbao, ente ellos Alfonso López, yera de mínimos. Y asina lo tomó la Universidá d’Uviéu. La institución apuesta porque la Ebau de 2025 seya cuasi dafechu competencial, penriba del 75% acordáu.

Sicasí, el vicerrector d’Estudiantes relativiza los cambeos porque equí, insiste, los exámenes yá yeren mui prácticos. Lo que sí camuda ye la estructura porque la optatividá afitada na pandemia desapaez.

La mayor parte de los coordinadores de les distintes materies yá diseñaron los modelos d’examen. A mediaos de mes, asegura’l vicerrector, tarán en manes de los profesores de segundu de Bachilleratu.