Aspace presenta una campaña que busca recaldar un millón d'euros pa construyir un nuevu pabellón

Ye una campaña orixinal y atrevida baxo'l lema: 'Nun queremos la to pena, queremos la to pasta'

El centru de sofitu al inxerimientu d'Aspace n'Uviéu presenta una campaña orixinal y atrevida cola que busca recaldar un millón d'euros pa construyir un nuevu pabellón. Ye una campaña na que participaron activamente los propios alumnos y alumnes del centru.

Na campaña l'alumnáu ufiértase a trabayar, ye'l casu de Luismi y de Laura. Caún coles sos habilidaes y, toos, con un mensaxe común: La pasta.

La campaña ye orixinal, trata de fuxir de la pena al traviés del humor destaquen Elena García Menéndez, autora de la campaña y directora de l'axencia Hellend; y Neus Verdú, directora del centru de sofitu al inxerimientu d'Aspace en Llatores.

L'oxetivu ye recaldar un millón d'euros. Pue donase dende yá, per bizum, por exemplu, al númberu 07446. Porque recuerden: 'Nun queremos la to pena, queremos la to pasta'.