Los socios de gobiernu en Xixón coinciden en que la única alternativa posible pal vial de Xove ye'l soterramientu

Los vecinos de Xixón nun almitirán "baxo nengún conceptu" un vial de Xove en superficie

Un vial de Xove financiáu pol Ministeriu, pero redactáu pol Ayuntamientu y el Principáu. Esa ye la moción aprobada na Cámara alta a pidimientu del PP. Moción na que tamién se faló de garantíes en cuantes a los plazos y la consignación presupuestaria apunta Pablo González, senador del PP.

De cara a la xunta, l'Ayuntamientu asegura que nun se moverá nin un milímetru de lo aprobao nel Conseyu social asegura Jesús Martínez Salvador, voceru del Ayuntamientu de Xixón.

El PSOE reclama a Carmen Moriyón que vaya a la xunta coles sos alternatives. La oposición en plenu refuga cualquier alternativa que suponga un vial en superficie, al entender que sedría treslladar el problema de la contaminación d'un puntu a otru de Xixón.

El vienres, el texíu vecinal sedrá informáu de resultáu de la xunta en Madrid. Nun comunicáu a comuña, les federaciones de la zona rural y urbana reclamen un vial de Xove soterráu y una mayor presión al Ministeriu de les alministraciones asturianes.