Un estudiu afita que les violencies económiques afecten al 11,5% de muyeres n'España

Les sos pareyes impíden-yos trabayar, controlen les sos cuentes o nun-yos paguen les pensiones de los sos fíos

Les violencies económiques afecten al 11,5 por cientu de les muyeres n'España, con más de 2,3 millones de víctimes, siendo la tercer forma más común de violencia de xéneru, según recueye un estudiu de la Universidá d'Uviéu.

La investigación revela'l pocu reconocimientu xurídicu de les violencies económiques a les muyeres y rellaciona esti tipu de violencia de xéneru coles poques competencies financieres de la sociedá, porque menos del 20% de los españoles cunta con conocimientos financieros básicos.

La institución docente asturiana, en collaboración cola Fundación Nantik Lum, analiza nel estudiu presentáu esti miércoles los avances normativos en derechu internacional, comparáu y español sobre esti tipu de violencia, que nun ta reconocida llegalmente n'España, y el so tratamientu na xurisprudencia ye cuasi nulu, con namás cinco sentencies que la menten.