Xinestosa cunta con una ganadería ecolóxica que respeta'l mediu ambiente y el bienestar animal

Les ganaderíes ecolóxiques dexen una mayor llonxevidá de los animales

Una ganadería ecolóxica mira por una vida sostenible, pola biodiversidá, l'agua, el suelu y el mundu rural. Un tipu de trabayu que consume un 15% menos d'enerxía que la convencional sobre manera pola so menor dependencia de pesticida y fertilizante sintético destaca Samuel García, de la Ganadería Patalean.

Dende 2017, la familia García trabaya n'ecolóxico, un cambéu sustancial nel tratu al animal pola comida con yerba natural, pero tamién con dalgo d'alfalfa. Un cambéu que dexa una mayor llonxevidá de los animales.

Esa diferencia que marca ente unos animales que tán nun tipu o n'otru queda marcáu pola producción qu'anque ye alta nun llega a les cifres de la convencional con una media de 7.000 llitros per añu.

Otru de los factores a tener en cuenta ente los dos tipos de ganaderíes ye la capacidá de cabeces disponibles dependiendo de les hectárees. Una manera de llevar una ganadería diferente y sostenible que los llevó a dar un pasu alantre.

Un trabayu que lleva muncha actividá dende primer hora, llevales al prau, sacales a la cuadra pa catar, llimpiar, atendeles. Una parte del nuestru sector primariu mui importante p'Asturies dende siempres y nel que Tinéu tien muncha importancia.