'Nuramay' ye un proyectu de Maxi Areñes y Maitetxu Isla que recueye cantares de la tradición oral mediterránea

El nome ye un amiestu del nome feniciu de Menorca, que significa fueu, y May por Maitetxu

A manera de desconexón de les grabaciones pa Fontoria, Maxi Areñes y la so pareya Maitetxu Isla decidieron entamar l'aventura de 'Nuramay'.

Un proyectu a dúu nel que trabayen y actualicen antiguos cantares populares de toa Europa que lleven sieglos tresmitiéndose de forma oral. Romanceros medievales, renacentistes o música sefardina con más de 500 años d'hestoria.

El que va ser el primer repertoriu d’Isla tien tamién un importante componente personal con cantares mediterráneos que, amás de narrar males d'amores o disputes reales, recuérden-y alcordances de la so infancia ellí.

Nel proyectu nun falten, por supuestu, los temes propios nin cantares con raigaños y lletres asturianes.

Cola guitarra como protagonista pa unos directos intimistes y otros instrumentos pal estudiu, Maitetxu y Maxi tienen la mente puesta nun discu con 10 temes y futures actuaciones.