Falta mano d'obra pa la campaña de recoyida de quivis

Búsquense 30 trabayadores pa empezar la campaña en Sotu'l Barcu

Falta la mano d'obra pa la campaña de recoyida de quivis na zona del Baxu Nalón. Anguaño, en Sotu'l Barcu, tán buscando 30 trabayadores pa empezar en payares nuna campaña que se prevé bona con frutu d'escelente calidá.

Mas de 10.000 plantes de quivi cargaes de frutos qu'en nada tienen que ser recoyíos. Nun fai falta cualificación nin esperiencia pero sí ganes de trabayar, esplica Jairo Fernández, de ‘Kiwis La Isla'

Espérase que la recoyida d'esti frutu qu'adulces va cobrando protagonismu na güerta asturiana, empiece hacia'l 10 de payares. Una collecha bona, asemeyada a la del añu pasáu con quivis de gran tamañu.

Un frutu con una demanda que se dispara impulsáu polos vezos de nutrición saludable.