El PP denuncia qu'Asturies lleva díes ensin helicópteru medicalizáu

Fomentu asegura que l'aeronave ta pasando una revisión técnica obligatoria

El Partido Popular calificó de "mui grave" el fechu de qu'Asturies lleve díes ensin el serviciu que da l'helicópteru medicalizáu del Serviciu d'Emerxencies del Principáu (SEPA), aparatu usáu pa tresllaos sanitarios que, según fontes de la Conseyería de Fomentu, Cooperación Local y Prevención de Quemes, ta pasando una revisión técnica obligatoria.

Según el diputáu rexonal del PP Manuel Cifuentes, los asturianos tán ensin esti serviciu vital “dende va díes" colo que nun pue facese per aire nengún treslláu que necesite de soporte médicu.

“Queremos que'l Gobiernu de Barbón dea cuenta de cuántes vegaes socede esto, cuántos díes ta Asturies ensin esi serviciu esencial y los motivos polo qu'esto socede", señaló Cifuentes, qu'anunció que’l so partíu va pidir "esplicaciones darréu" nel parlamentu autonómicu.