L'Institutu de Prevención va reforzar la vixilancia de les normes nes empreses

CCOO y UXT estudien una "gran movilización" n'Asturies escontra la siniestralidá llaboral

CCOO y UXT d'Asturies tán estudiando una "gran movilización" escontra la siniestralidá llaboral qu’axunte a tola sociedá asturiana pa visibilizar un mal qu'anguaño llevó yá la vida de dolce trabayadores na comunidá.

Les organizaciones sindicales celebraron esti mediudía n'Uviéu una concentración tres l'últimu accidente llaboral mortal, rexistráu ayeri nuna empresa de Corvera.

El secretariu de Salú Llaboral d'UXT d'Asturies, Marino Fernández, sorrayó que nos postreros 36 díes rexistráronse na comunidá cinco accidentes mortales, unos datos "inasumibles".

Según dixo, les empreses "nun tán cumpliendo" cola llei de Prevención de Riesgos Llaborales y por ello esixó "xubir cuanto enantes" el númberu d'inspectores, anguaño trelce pa tola comunidá.