Villah.ormes, unu de los pueblos con más vida del conceyu llaniscu

Los neños son los protagonistes de les actividaes feches en pueblu

Villah.ormes ye unu de los pueblos con más vida del conceyu llaniscu. Yelo porque tien 190 habitantes, de los que más de 30 son menores d'edá, según l’INE del 2023. Precisamente, los neños son los verdaderos protagonistes, esplica Vera Rodríguez Reguiro, vecina del pueblu.

Y nun ye por casualidá, que Villah.ormes fuera'l primer pueblu llaniscu galardonáu col premiu del Neñu y la Neña. Consiguiólo gracies al llabor comuñal y al compromisu de l'Asociación El Jobu colos sos vecinos, promoviendo innumberables actividaes interxeneracionales, destaca Emerita Francos Fernández, secretaria de l'Asociación Vecinal El Jobu.

Villah.ormes ye unu d'esos pueblos que siempres vivió de la ganadería y de l'agricultura, pero tien la particularidá de que la so xente crióse col trabayu del ocle na segunda metá del sieglu pasáu, cuenta Ana Fuente Ardisana, presidenta de l'Asociación Vecinal El Jobu.

Anguaño, el sector turísticu ye'l que más puestos de trabayu xenera na población llanisca, porque Villah.ormes cuenta con un chigre tienda, un restaurán, una pizzería, un albergue de pelegrinos y viviendes vacacionales, esplica Moisés Martínez Díaz, vecín del pueblu.

El palaciu de la Espriella del sieglu XVII, les capiyes de les fiestes de Santolaya y San Antoniu, la sablera de La Güelga, la de La Canal o'l castru de Les Gaviluetes son dalgunos de los llugares más singulares del pueblu llaniscu.