Abren les subvenciones pa programes d'inclusión y inxerimientu activu de persones vulnerables

La conseyera da anuncia d'ayudes de más de cuatro millones, un 35 % más que l'exerciciu pasáu

En 1999 naz la Fundación Edes col envís de dar sofitu a toles persones con discapacidá y a les sos families. Un llargu percorríu pa, dende Tapia, dar serviciu a un colectivu que daquella taba desprotexíu dafechu.

Güei, 25 años dempués, esti centru tien más de 200 usuarios que reciben educación, trabayen nuna finca ecolóxica o participen en proyectos de trabayu nes empreses de la fastera.

Nel aniversariu, un actu al que foi la conseyera de Derechos Sociales y Bienestar, Marta del Arco dio anuncia de que’l mes viniente les entidaes ensin ánimu d’arriquecimientu, como Edes, podrán acceder a distintes subvenciones pa poner en marcha programes d’inclusión y inxerimientu de persones vulnerables. Un total de 4,6 millones d’euros, un 35 % más que l’añu pasáu.

Unes subvenciones nes que s’axiliza la so tramitación. Agora’l plazu de resolución pasa de seis a tres meses.