Cuasi 300 cabeces de ganáu na Muestra Ganadera Asturiana de los Valles de La Imera

Mozos participen nel procesu de calificación del ganáu gracies a 'Ganaderos con Escuela'

Un total de 295 cabeces de ganáu de 42 ganaderíes distintes participen na trixésimu novena edición de l'amuesa ganadera de la raza Asturiana de los Valles que se celebra cada añu nel recintu ferial de La Imera. L'amuesa ye una de les cites mas importantes del añu pa les ganaderíes cangueses.

Amás, anguaño los mas mozos participen nel procesu de calificación del ganáu gracies a 'Ganaderos con Escuela', la iniciativa cola que'l Conceyu Cangas y Aseava quieren formar a los estudiantes del institutu de la zona, pa que nun futuru, los que lo deseen, puean tomar el relevu nes ganaderíes del conceyu.

La entrega de premios a les ganaderes participantes va tener llugar mañana na clausura d'esta edición de la muestra.