El Principáu rexistra una mengua del turismu rural n'agostu

La medría de viviendes ufiertaes en plataformes turístiques esplica la baxada

Con una mengua del 8,7% nes nueches y d’un 5,7% nel númberu de viaxeros. Asina zarraron el mes d’agostu pasáu, según datos del INE, los agospios asturianos de turismu rural que sumaron 268.097 nueches y 63.250 viaxeros. Esi mes la estancia media nos agospios rurales d’Asturies tuvo penriba de los cuatro díes.

La medría y la diversificación de la ufierta con nuevos agospios nos pueblos tán ente los factores qu’esplicaríen los datos del turismu rural del mes d’agostu.

Por más que les conexones árees y ferroviaries meyoraren y lleguen más viaxeros, un problema pal mediu rural n’Asturies ye’l de la movilidá.