Multitudinaria manifestación en Xixón en defensa de Palestina

Nueche de bombardeos en Beirut y decenes de muertos en Gaza

Miles de persones participaron güei en Xixón nuna marcha de sofitu al pueblu palestín. Mañana cúmplese un añu del ataque de H.amás a Israel, nel que secuestraron a 251 persones.

Los participantes esixeron qu’acabe la ofensiva israelina, que la comunidá internacional dexe d'apurrir armes a Netanyahu y que se desbloquie la llegada d'ayuda humanitaria.

El Principáu destina 75.000 euros pa la tercer ayuda d'emerxencia pa Gaza

El Principáu va destinar 75.000 euros a ayudes d'emerxencia pa la población palestina de la Franxa de Gaza. El personal de La Media Lluna Colorada va ser l'encargáu de distribuyir l'ayuda nos campos y centros que s'establecieron pa persones movíes.

Van apurrise artículos de primera necesidá que'l Principáu espera que beneficien a 4.245 families.

Nueche de bombardeos en Beirut y decenes de muertos en Gaza

Sobro'l terrén, Beirut vivió la so nueche más violenta nun añu de conflictu, con más d'una trentena de bombardeos escontra cinco barrios residenciales. Los llibaneses movíos a Siria xuben yá a 220.000.

Gaza tamién amaneció con unu de los ataques más violentos de les fuerces hebrees nos últimos díes. Polo menos 45 palestinos morrieron y otros 256 resultaron mancaos.

El primer ministru británicu dixo que les llapaes del conflictu n'Oriente Mediu amenacen con desaniciar la rexón.

Keir Starmer considera necesaria una solución de dos Estaos, con Israel finalmente seguru y a salvo, señaló, xuntu al Estáu palestín prometíu dende va munchu tiempu.