Coxersa cuntará con una dirección específica de riesgos dempués del incendiu de la so planta

El consorciu reforzará la prevención y estudiará tener un serviciu de bomberos priváu

La conseyera de Transición Ecolóxica, Industria y Desendolcu Económicu, Nieves Roqueñí, aseguró esti llunes que la planta de tratamientu de la fracción restu de Coxersa entrará en funcionamientu en 2025 dempués del incendiu declaráu’l mes d’abril pasáu, y dio anuncia de modificaciones de midíes organizatives nel consorciu, ente elles la creación d’una dirección específica de riesgos.

Al empar, avanzó que piensen meyorar la formación de trabayadores en materia d’estinción d’incendios y que valora dotar el centru de tratamientos con una serviciu integral de rempuestes a emerxencies qu’inxertaría un serviciu priváu de brigada de bomberos y la sistematización de simulacros escontra incendios.

Nuna comparecencia na Xunta Xeneral, Roqueñí calificó’l modelu de xestión de residuos qu’aplica Coxersa como "exemplar" y "únicu" n’España, y consideró que la medría de tarifes "nun ye un caprichu", sinón que supón cumplir la llei y aplicar la meyora ambiental.