El Principáu sofita la vuelta de 66 persones orixinaries d'Asturies

Llamedo celebra un alcuentru con un grupu de persones que volvieron a la comunidá

El Gobiernu del Principáu destinó 123.875 euros a 33 ayudes a la vuelta que beneficiarán a 66 persones orixinaries d’Asturies y residentes nel esterior, na primer convocatoria d’estes subvenciones que se lleva alantre dempués de modificar les bases reguladores pa la so concesión y de crear la Oficina del Retornu.

La vicepresidenta del Principáu, Gimena Llamedo, ufiertó los datos esti llunes enantes de celebrar un alcuentru con un grupu de persones que volvieron a la comunidá gracies al sofitu del Principáu. 

“Asturies foi siempres una tierra d’emigración y agora ye una tierra de retornu y d’oportunidaes. L’alcuentru de güei dexará analizar coles persones beneficiaries los pasos que dimos dende la puesta en marcha de la Oficina del Retornu y el cambéu nes bases de les ayudes, qu’amuesen que les polítiques de retornu tán nel centru de la nuestra acción de gobiernu”, solliñó Llamedo.